Njësia e Specializuar Shumëkombëshe e KFOR-it ka mbikëqyrur të hënën protestën e serbëve në Mitrovicën e Veriut. Protestë kjo që është organizuar kundër vendimit të autoriteteve të Kosovës që ndalon përdorimin e dinarit serb për pagesa në të gatshme në zonat e banuara me shumicë serbe.
KFOR’i ka vlerësuar se protesta ishte paqësore duke theksuar se vazhdon të operojë si reaguesi i tretë i sigurisë në Veri.
“KFOR-i vazhdon të operojë si reagues i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), me të cilët ne koordinohemi rregullisht”, thuhet në njoftim.