Skuadra amerikane nga Major League Soccer, Chicago Fire, ka bërë një lëvizje zyrtare për të nënshkruar me yllin belg Kevin De Bruyne si lojtar i lirë, duke hapur kështu një skenar të ri befasues në merkaton verore të këtij viti.

Fabrizio Romano konfirmon përpjekjen konkrete të klubit amerikan për ta bindur mesfushorin e Manchester City-t, i cili pritet të shqyrtojë të gjitha opsionet në ditët dhe javët në vijim. De Bruyne, i cili ka qenë një nga figurat kyçe të suksesit të “Citizens” në dekadën e fundit, është në një pikë vendimtare të karrierës së tij – dhe MLS mund të jetë stacioni i radhës.

Chicago Fire, që ka për synim të ndërtojë një projekt ambicioz për t’u rikthyer në majat e futbollit amerikan, po i ofron De Bruyne-it jo vetëm një kontratë të rëndësishme financiarisht, por edhe një rol kyç brenda klubit. Thuhet se klubi nga Illinois ka përgatitur një plan të detajuar për ta joshur belgun, përfshirë përfshirjen e tij në zhvillimin e ekipit dhe të akademisë në të ardhmen.

Marrëveshja është në zhvillim, dhe ndonëse asgjë nuk është përfundimtare, sinjalet e para janë pozitive.Insajderi.org