Sekretarja e Përgjithshme e PDK-së, Vlora Çitaku, ka reaguar ashpër pas dështimit të Kuvendit të Kosovës për të konstituuar qeverinë edhe sot, duke e quajtur këtë përpjekjen e shtatë të pasuksesshme.

Çitaku e ka cilësuar si të papërgjegjshme dhe të papranueshme mënyrën se si Lëvizja Vetëvendosje (LVV) e trajton Kosovën, institucionet dhe qytetarët e saj. Ajo ka theksuar se përpjekja e vazhdueshme për të degraduar çdo institucion është bërë një karakteristikë e kësaj lëvizjeje, shkruan Insajderi.

“Përpjekja e vazhdueshme për të degraduar çdo institucion është konstanta e vetme e kësaj lëvizjeje. Nga gurët dhe gazi, deri te kryeneçësia e pakuptimtë, LVV nuk ka zgjedhur kurrë mjete për të sulmuar dhe dëmtuar institucionet e këtij vendi. LVV e ka në dorë të zhbllokojë punën e Kuvendit,” ka shkruar Çitaku në Facebook.

Sa i përket zhbllokimit të procesit, Çitaku theksoi se LVV nuk po merr hapa të nevojshëm, pasi sipas saj përdorimi i mjeteve normale politike dhe demokratike nuk është pjesë e traditës së kësaj lëvizjeje.

“Nuk e bën, sepse përdorimi i mjeteve normale në politikë dhe demokraci nuk është në traditën politike të saj. Ndërkohë, aferat në fushën e energjisë nuk kanë të ndalur, çmimet rriten çdo ditë, e ne në Kuvend po merremi me ulëse dhe me emra të përveçëm. Turp,” ka shtuar Çitaku.

IN Promo Marketing

Ephesus Travel and Holiday fillon sezonën me ofertat më ekskluzive për pushime dhe fluturime direkte

Udhëto Kosovë-Zvicër-Kosovë me autobusët komod të kompanisë Auloni Tours

Zjarr n’Prishtinë: Shija amerikane e Firehouse Subs po vjen sot n’Prishtina Mall!