Procesi i liberalizimit të vizave ka kaluar në Komitetin e Parlamentit Europian për Liritë Civile, Drejtësinë dhe Çështjet e Brendshme (LIBE).

Kështu ka konfirmuar faqja zyrtare e Komunitetit LIBE në Twitter, shkruan Gazeta Insajderi.

🇽🇰🇪🇺@EP_Justice gave its green light for the final adoption of visa liberalisation with Kosovo for short stays.
Votes: +47, -8, o 4

EP work was led by rapporteur @ThijsReuten.
Next, the legislation will go to the plenary, expected for April.

📄👇https://t.co/lk3hDFcFhX

— LIBE Committee Press (@EP_Justice) March 23, 2023

Gjatë këtij votimi, liberalizimi i vizave për Kosovën mori 47 vota për dhe tetë kundër.

Çka pas këtij votimi?

Pas këtij momenti, Parlamentit Europian ka konfirmuar për Gazetën Insajderi se votimi i fundit për vizat do të jetë në seancën plenare që do të mbahet më 18 prill.

Krejt në fund Akti ligjor do të nënshkruhet nga përfaqësuesit e institucioneve të BE-së: Komisioni Evropian, Këshilli Evropian dhe Parlamenti Evropian.

…dhe pasi vendimi të publikohet në Gazetën Zyrtare, duke përfshirë datën e hyrjes në fuqi do të duhej të ndodh Liberalizimi i shumë pritur për kosovarët, shkruan Gazeta Insajderi.

Ndryshe, nga gjashtë vendet e Ballkanit Perëndimor që mbeten jashtë BE-së, vetëm qytetarët e Kosovës nuk mund të lëvizin lirshëm në vendet evropiane, apo në atë që njihet si zona Shengen.

Kosova, ashtu si edhe Bosnje e Hercegovina, ka vetëm Marrëveshje Stabilizimi me BE-në, që është hapi i parë drejt anëtarësimit në bllok.

Mali i Zi, Serbia, Shqipëria dhe Maqedonia e Veriut, ndërkaq, i kanë hapur negociatat për anëtarësim në BE./Gazeta Insajderi/