×
  • Lajme
  • Lajme

    Çollaku informon ambasadorët rreth kritereve të mbetura për viza

    Insajderi
    03 February 2016 - 16:35
    Klikoni Këtu për t'u bërë pjesë e kanalit të Insajderit në Youtube.

    Ministri i Integrimeve Evropiane, Bekim Collaku, është takuar sot me ambasadorë të shteteve anëtare të BE-së, të cilat i ka informuar “rreth përmbushjes së tetë rekomandimeve të fundit në procesin e liberalizimit të vizave dhe hapave të radhës që priten në javët e ardhshme”.

    Çollaku ka postuar në llogarinë e tij në Facebook një foto nga takimi që ka pasur me ambasadorët, që sipas tij, patën vlerësim pozitiv për përkushtimin e institucioneve kosovare “dhe konfirmuan mbështetjen e shteteve të tyre përkatëse në këtë drejtim”.

    Takimi në mes të Ministrit Collaku dhe ambasadorëve të shteteve anëtare të BE-së është organizuar nga Zyra e BE-së në Kosovë.

    Në muajin dhjetor, Komisioni Evropian kishte publikuar raportin e përmbushjes së kriterve për liberalizmin e vizave për Kosovën, ku ishte konstatuar se që kjo të ndodhë, Kosova duhet të plotësoje edhe tetë kritere.

    Zyrtarët e lartë të shtetit që nga ajo kohë janë shprehur të bindur se liberalizimi i vizave do të ndodhë gjatë vitit 2016./Insajderi.com

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark