×
  • Lajme
  • Lajme

    Çollaku: Vendimi për vizat ndikohet nga kriza e refugjatëve

    Insajderi
    09 March 2016 - 14:33
    Klikoni Këtu për t'u bërë pjesë e kanalit të Insajderit në Youtube.

    Ministri i Integrimeve Evropiane, Bekim Çollaku, ka marrë pjesë në një konferencë të projektit të Fondacionit të Kosovë për Shoqëri të Hapur, “Forumi 2015” ku është diskutuar për qasjen e Bashkimit Evropian ndaj vendeve të Ballkanit Perëndimor.

    Çollaku ka thënë se Ishte konstatim i panelistëve se qëndrimet e shteteve anëtare dhe institucionet të BE-së janë ndaj nesh, dhe të gjitha vendeve që kanë perspektivë të anëtarësimit në BE, janë të ndikuara shumë nga problemet dhe sfidat e mëdha me të cilat po përballen këto vende tani, siç janë kriza e refugjatëve, mundësia e largimit të Mbretërisë së Bashkuar e të tjera.

    Por, sipas tij, përkundër kësaj, BE duhet që të ruaj dinamiken e integrimit të Kosovës, dhe se urgjentisht të bëjë liberalizimin e vizave.

    “Kosova nuk duhet të jetë as viktimë e krizës së refugjatëve, apo faktit që nuk paraqet ndonjë rrezik gjeopolitik për BE-në. Ne duhet të vlerësohemi në bazë të përkushtimit tonë, dhe përmbushjes së kritereve teknike. Kjo do të siguroj një qasje reale të cilën e meriton Kosova”, ka thënë ai.

    “Hapi i parë, dhe urgjent në këtë drejtim është heqja e vizave sa më shpjet sepse BE-ja pa të drejtë është duke i mbajtur të izoluar qytetarët e Republikës së Kosovës.”

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark