Ashtu siç edhe kishin paralajmëruar, këngëtarët Dafina Zeqiri dhe Yll Limani kanë publikuar bashkëpunimin e tyre më të ri.

“Mos shko” mban titullin kënga e tyre e re, e cila është e zhanrit RnB.

Muzika është punuar nga producenti Rrzon, vija melodike nga Dafina, gjersa për tekstin janë kujdesur vet Dafina dhe Elinel.

Kënga është vizualizuar edhe me një klip epik, në të cilin dyshja vijnë me një performancë mjaft të veçantë.

Ana vizuale e projektit i është besuar produksionit Wonder.

Dafina dhe Ylli janë dy ndër zërat më të preferuar në estradën shqiptare, që me vite të tëra i kanë mbijetuar tregut dhe vazhdojnë të sjellin projekte që gjithmonë mirëpriten nga publiku.