×
  • Lajme
  • Lajme

    Dardan Sejdiu mohon se i dha leje opozitës për vendosjen e tendave

    Insajderi
    22 February 2016 - 22:16
    Klikoni Këtu për t'u bërë pjesë e kanalit të Insajderit në Youtube.

    Nënkryetar i Komunës së Prishtinës ka mohuar se ka lëshuar një vendim si ushtrues i Departamentit për Shërbime Publike nëpërmjet të cilit i lejohet opozitës vendosja e tendave në sheshet “Ibrahim Rugova” dhe “Skënderbeu”.

    “Shpifjet dhe manipulimet nuk po kanë te ndalur. Tash e pashë këtë lajm me një dokument komplet të falsifikuar dhe nënshkrim të falsifikuar. Së pari unë kam qenë jashtë vendit, dhe jam kthyer para 1 ore në shtëpi, pra nuk kam qene fare ne zyrë. E dyta, ky nënshkrim nuk ka lidhje me nënshkrimin tim. Dhe, këso lloj formati të dokumentit Drejtoria që unë e udhëheq nuk ka”, ka shkruar Sejdiu në profilin e tij në Facebook.

    Sejdiu ka paralajmëruar se do të ngris “kallzim penal për falsifikim ndaj personave që udhëheqin këto portale që po shpërndajnë këso falsifikimesh”

    “Por mbi të gjitha paniku i portaleve të pushtetit si duket po i shtyn në shpifje, falsifikime, gënjeshtra e lloje te ndryshme manipulimesh mediale”, shkruar Sejdiu, duke iu referuar mediumit që e ka publikuar dokumentin në fjalë.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark