Presidentja Osmani dhe Kryeministri Kurti kanë shkuar veç e veç në New York të ShBA’ve. Dyshja i kanë pasur agjendat e ndryshme në kuadër të Javës së Nivelit të Lartë të sesionit të 79-të të Asamblesë së Kombeve të Bashkuara.

Gjatë qëndrimit në New York, Presidentja e vendit renditi mbi 60 takime e aktivitete. Osmani mori pjesë në aktivitetet më të rëndësishme atje, me ftesë të Shtëpisë së Bardhë.

Madje ajo u takua edhe me homologun e saj amerikan, Joe Biden dhe me Sekretarin amerikan të Shtetit, Antony Blinken, por edhe me kryeministrin e Mbretërisë së Bashkuar, Keir Starmer, ndërsa u ftua edhe që t’u bashkohej liderëve botërorë në një samit për Ukrainën, në atë që Reuters e pëshkroi si “një shfaqje të fortë të unitetit”.

Kryeministri Kurti dhe Presidentja Osmani nuk janë parë asnjë moment bashkë gjatë takimeve atje.

Në anën tjetër vizita e Kurtit në New York ishte një debakli. Kryeministri ka njoftuar për disa “takime të rëndësishme për raportet tona me miq të çmueshëm” atje.

Madje i ka dal kohë ta takojë edhe ish mafiozin e familjes Gambino. John Alite ka ndarë një fotografi me Kurtin ku shihen të buzëqeshur.

“Proud to be albanian”, ka shkruar ish mafiozi.

View this post on Instagram

A post shared by John Alite (@johnalite)

Rikujtojmë se John Edward Alite, në vitet ’80- ’90 ishte pjesë e familjes mafioze Gambino. Ai ishte krahu i djathtë i mafiozit italian John Gotti.

Në vitet 2000, ish mafiozi me origjinë shqiptare mori arratinë, kur mësoi se ata që i kishte konsideruar pjesë të familjes, kishin vënë një çmim për kokën e tij.

Zgjodhi të ishte mafioz për para. Ai donte të forconte pozitën e tij në grupin Gambino, dhe më të shumtën e krimeve, i kreu me udhër të John Angelo Gotti-t, të riut, e ndonjëherë me urdhër të babait të Junior-it, John Joseph Gottit.