Dedektivi privat dhe avokati, Ndue Pjetra, ka qenë i ftuar në emisionin “People” në Euronews Albania, ku ka folur mbi problematikat e divorceve në vend.

Gjatë intervistës, ai bëri një deklaratë interesante, duke theksuar se gratë shqiptare mbi 50 vjeç kanë dyshime të shumta se burrat e tyre i tradhtojnë me sekretaret.

“Tani normalisht, mosha për të cilët janë ankuar kanë qenë gratë mbi 50 vjeç, sepse thonë që burri im dikur ka pasur një sekretare dhe vazhdon akoma lidhjet. Ato kërkojnë ndihmë për ta zbuluar të vërtetën dhe për të çliruar veten nga këto inate që i mbajnë për gjithë jetën”, tha Pjetra.

Pjetra shtoi gjithashtu se investigimet që kryhen për të zbuluar këto dyshime kanë një tarifë prej 60 euro për orë.