Deputeti i Lëvizjes Vetëvendosjes, Avni Dehari ka lëshuar seancën e sotme të Kuvendit të Kosovës.

Pak para se të dalë ai, deputeti i PDK-së, Hisen Berisha përmendi vëllezërit Dehari dhe tha se nuk është në interesin e Vetëvendosjes e as Qeverisë zbardhja e rastit të Astrit Deharit.

Sipas Berishës, Vetëvendosja i ka përdorur këto raste për qëllime politike.

Avni Dehari në një përgjigje për Insajderin tha se dalja e tij nga Kuvendi nuk është lidhur me deklaratat e Berishës.

Ai tha se arsyeja ishte se duhej të dërgonte disa libra tek mensa “Ramiz Sadiku”.

“Jo nuk kam dalë për atë arsye, kam pas një termin me i dorëzu disa libra tek Mensa “Ramiz Sadiku”, për shpëtimin e Kongresit te Manastirit ne Biblioteke, nuk do ta lëshoja sallën”, tha Dehari për Insajderin.

Ndërkaq, në lidhje em deklaratat e Berishës, Dehari tha se “korbat mund të rrijnë askush nuk i pengon”.

“Nuk po dua të flasë me emra, por, korbat le të rrijnë askush nuk i pengon, arsyeja ka qenë ajo aspak deklratat”, tha Dehari./Gazeta Insajderi