“Është jashtë rrezikut për jetë”, kështu janë deklaruar nga SHSKUK për gjendjen e policit, i cili mbeti i plagosur nga banditët në veri të vendit, shkruan Insajderi.

Ai është duke u trajtuar në Klinikën e Kirurgjisë Torakale.

“Qendra Klinike Universitare e Kosovës njofton se sot rreth orës 8:30, një pjesëtar i Policisë së Kosovës i lënduar mbrëmë është pranuar në Qendrën Emergjente, pasi kishte marr trajtimin e nevojshëm në Spitalin e Përgjithshëm të Mitrovicës”.

“Ekipi i Klinikës Emergjente bashkë me mjekët konsultantë nga klinikat përkatëse kanë kryer të gjitha ekzaminimet e nevojshme dhe rasti, sipas mjekëve, është jashtë rrezikut për jetë”, thuhet në njoftim përcjell Insajderi.

Pacienti është pranuar për trajtim të mëtejmë në kuadër të Klinikës së Kirurgjisë Torakale.