×
  • Lajme
  • Insajderi / Insajderi

    Kjo është mosha e policit që u plagos mbrëmë në Veri

    Insajderi
    09 December 2022 - 11:00

    Polici i plagosur mbrëmë nga arma e zjarri të banditëve serbë në Zveçan është nga komuna e Ferizajt. Ai është një 40 vjeçar. Kështu ka konfirmuar për Gazetën Insajder drejtoresha e Spitalit në Mitrovicës, Luljea Zhubi.

    Ajo konfirmoi poashtu se policit nuk i është larguar plumbi nga shpatulla në Spitalin e Mitrovicës.

    “Po bëhet fjalë për një polic nga rajoni i Ferizajt, është 40 vjeçar. Po është e vërtetë që plumbin nuk i është larguar në Spitalin e Mitrovicës andaj është përcjellur për në Prishtinë”, ka thënë Zhubi për Insajderin teksa theksoi se ishte jashtë rrezikut për jetë.

    Gazeta Insajderi nga orët e hershme të mëngjes është duke u përpjekur të marrë një përgjigje mbi gjendjen e zyrtarit policor nga QKUK, por të njëjtit deri tani nuk kanë kthyer përgjigje.

    Ndërkohë, policia e Kosovës përmes një njoftimi në Facebook, e ka cilësuar si “të lehtë”, plagosjen nga arma e zjarrit të policit nga Ferizaj.

    Rasti ka rreth orës 23:00, në fshatin Serbovc, Komuna e Zveçanit, Njësitet policore deri sa kanë qenë në detyra të rregullta, në patrullim, janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM.

    “Si pasoj e incidentit, një pjesëtarë i Policisë së Kosovës është lënduar lehtë dhe janë shkaktuar dëme të konsiderueshme materiale në veturën e policisë. Njësitet relevante policore kanë dalë në vendngjarje, për të kryer hetimet, kurse zyrtari policor i lënduar është transportuar në QKMF për ofrimin e ndihmës mjekësore”, njoftoi Policia.

    Gazeta Insajderi do t’ju mbajë të informuar lidhur me rastin…

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark