Një vajzë është arrestuar pasi ka shkaktuar dëmtime të Kompleksi memorial ‘Adem Jashari’ në Prekaz të Poshtëm të Komunës së Skenderajt.

Lajmin për Gazetën Insajderi e ka konfirmuar zëdhënësi i Policisë së Kosovës për rajonin e Mitrovicës, Avni Zahiti. Ai tha se e dyshuara gjendet në ndalim prej 48 orësh dhe së rasti ka ndodhur para tre ditësh.

“Është arrestuar një femër që dyshohet së ka dëmtuar kompleksin memorial “Adem Jashari”, dhe është iniciuar rasti ‘Dëmtimi, shkatërrimi dhe nxjerrja e paautorizuar e monumenteve ose objekteve të mbrojtura jashtë Republikës së Kosovës’ dhe e njëjta është dërguar në ndalim”, tha Zahiti për Insajderin.

Me urdhër të prokurorit, ndaj saj është iniciuar rasti ‘Dëmtimi, shkatërrimi dhe nxjerrja e paautorizuar e monumenteve ose objekteve të mbrojtura jashtë Republikës së Kosovës’ dhe e njëjta është dërguar në mbajtje për 48 orë.