Deputeti, Haki Abazi ka akuzuar kryeparlametarin, Glauk Konjufca që sot ka bërë shkelje të rregullores. Ai ka thënë se nuk ka pasur vendim për shkarkimin e tij nga posti i Kryetarit të Komisionit për Punë të Jashtme dhe Diasporë dhe largimin nga Komisioni Parlamentar për Stabilizim Asocim BE-Kosovë, shkruan Insajderi.

Abazi ka thënë se Konjufca ka lexuar një vendim të paqenë.

“Kryeparlametari Konjufca ka bërë shkelje të rëndë të rregullore, ka lexuar një vendim të paqenë për zëvendësimin e anëtarëve të komisioneve parlamentare”, tha ai.

“Le ta gjenë dikush që grupi parlamentar ka marrë vendim për shkarkimin tim. Nëse Konjufca e ka vendimin e ftojë me publiku, unë i kërkojë falje. Nuk ka vendim”, u shpreh ai teksa shtoi se ka manipulime brenda Grupit Parlamentar të LVV-së.