![](https://insajderi.org/wp-content/themes/insajderi-org/logo/menu-insajderi.png)
Deputeti austriak, Helmut Brandstatter, ka mbajtur takim me deputetin e PDK-së, Enver Hoxhajn, derisa ka thënë se të gjitha shtetet e Bashkimit Evropian duhet ta njohin pavarësinë e Kosovës.
Veç tyre, ai tha se Kosovën duhet ta njohë edhe Serbia.
Këto komente, ai i bëri pas një takimi që zhvilloi me deputetin e PDK-së në Parlamentin Austriak.
“E takova Enver Hoxhajn në Parlamentin Austriak. U pajtuam se të gjitha shtetet e BE-së dhe Serbia duhet ta njohin Republikën e Kosovës”, shkroi ai pas këtij takimi.
Tutje, ai tha se në Ballkan aktualisht nuk ka luftë, mirëpo “na duhet paqja e përhershme”.
“Tani kemi mungesë lufte, por na duhet paqja e përhershme në rajonin e Ballkanit i cili është pjesë e rëndësishme e Evropës”, deklaroi Deputeti austriak, Helmut Brandstatter.
Heute konnte ich im Parlament @Enver_Hoxhaj begrüßen, Abgeordneter der PDK und früherer Außenminister der Republik Kosovo. Eine Anerkennung des Kosovo durch alle EU Staaten und Serbien ist nötig. Jetzt gibt es nur Abwesenheit von Krieg, wir brauchen Frieden am Balkan pic.twitter.com/WP9ZNLtz5F
— Helmut Brandstätter (@HBrandstaetter) November 11, 2022