Kuvendi i Kosovës shkaku i mungesës së kuorumit ka dështuar që t’i votojë marrëveshjet ndërkombëtare të cilat ishin paraparë të votoheshin sot.

Kjo ka bërë që të gjitha marrëveshjet ndërkombëtare që ishin në rend të ditës të shtyheshin për një seancë tjetër, meqë nuk pati dakordim mes grupeve parlamentare.

Përveç VV-së e LDK-së të cilat po i votojnë marrëveshjet ndërkombëtare, PDK-ja e AAK-ja po vazhdojnë të jenë kundër tyre, gjë që po e pamundëson votimin.

Marrëveshjet ndërkombëtare nuk po arrijnë të kalojnë në kuvend tash e disa muaj.