Zyra e Prokurorit të Specializuar ka dalë me një version të emrave të viktimave të pretenduara që sipas tyre pretendohen të jenë vrarë gjatë luftës.

ZPS pretendon në mars të vitit 1999 në fshatin Varosh të Ferizajt janë vrarë dhe zhdukur katër persona: Rrahim Elezi, Faik Reki, Nezir Topojani dhe Riza Kuki.

“Rreth 5 marsit 1999, Rrahim Elezi u rrah dhe u ndalua në/rreth Bobit [fshat në Kaçanik]. Ditën tjetër, ai u transferua në Ivajë [fshat në Kaçanik] ku Riza Kuki, Faik Reci, Nezir Topojani dhe të tjetërt ishin ndaluar nga anëtarë të UÇK-së. Më ose rreth 8 mars, katër prej tyre ishin në mesin e të transferuave dhe të ndaluarve në Biçec [fshat në Kaçanik]. Në dhe rreth 10 marsit 1999, ata u transferuan në Varosh ku të gjithë u rrahën. Më ose rreth 12 marsit 1999, katër burrat u morën një nga një jashtë dhome ku ishin të ndaluar nga anëtarët e UÇK-së. Asnjë prej tyre nuk është parë më që atëherë. Anëtarëve të familjeve të tyre u është mohuar informacioni në lidhje me fatin e tyre”, thuhet në versionin më pak të redaktuar të publikuar nga ZPS, raporton Insajderi.