Futbollisti i grupmoshave U15 të ShF Fushë Kosovës, Belgin Jashari, më 21 prill të këtij viti është sulmuar fizikisht gjatë ndeshjes që ekipi e tij e pati ndaj ShF Arsenalit.
Lidhur me këtë ka reaguar edhe Koalicioni i OJQ-ve për Mbrojtjen e Fëmijëve (KOMF)
“Koalicioni i OJQ-ve për Mbrojtjen e Fëmijëve (KOMF) a ndjekur me shqetësim dhe keqardhje pamjet e publikuara në media që dokumentojnë se kur një i rritur përdorë dhunë fizike ndaj një fëmije derisa zhvillohet një ndeshje futbolli mes dy klubeve të fëmijëve në Fushë Kosovë.”, thuhet në reagim.
Tutje në reagimin e KOMF thuhet se dënon me forcë këtë akt të papranueshëm dhune, i cili jo vetëm që përbën shkelje të rëndë të të drejtave të fëmijës, por dëmton rëndë edhe sigurinë emocionale dhe psikologjike të fëmijëve të pranishëm.
“Dhuna ndaj fëmijëve është e pajustifikueshme, veçanërisht kur ndodh në hapësira që duhet të jenë të sigurta, edukative dhe nxitëse për zhvillimin e tyre. Ajo që e bën këtë ngjarje edhe më tronditëse, është fakti se sipas dëshmive të publikuara, sulmi ka pasur edhe motive racore”.
“KOMF i bën thirrje institucioneve të drejtësisë që të hetojnë këtë ngjarje dhe të marrin masat e menjëhershme ndaj personit përgjegjës. Ndëshkimi i këtij akti është i domosdoshëm për të dhënë mesazhin se dhuna, racizmi dhe çdo formë tjetër e sjelljes së papërshtatshme nuk kanë vend në sport, e aq më pak në aktivitete ku marrin pjesë fëmijët”, thuhet në njoftim.
Futbollisti i grupmoshave U15 të ShF Fushë Kosovës, Belgin Jashari, më 21 prill të këtij viti është sulmuar fizikisht gjatë ndeshjes që ekipi e tij e pati ndaj ShF Arsenalit.
Sulmi ndaj Jasharit, sipas klubit, ishte i motivuar nga përkatësia etnike e lojtarit si pjesëtar i komunitetit Ashkali.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
