×
  • Lajme
  • Lajme

    Driton Çaushi: Dënojmë djegien e veturës së Beqirit

    Insajderi
    07 March 2016 - 13:31
    Klikoni Këtu për t'u bërë pjesë e kanalit të Insajderit në Youtube.

    Nënkryetari i Lëvizjes Vetëvendosje, Driton Çaushi, ka thënë se partia të cilës ai i takon dënon djegien e veturave zyrtare.

    Sipas tij, mënyra e duhur e kundërshtimi të pushtetit është përmes protestave popullore.

    “Sigurisht që dënojmë këtë akt, duke bërë thirrje që këto akte të mos përsëriten më. Pushteti kundërshtohet me protesta, e ato janë gjithëpërfshirëse. Aktet e tilla janë të dënueshme, dhe kërkojmë që institucionet të veprojnë duke mos lënë hapësirë për etiketim e linçim të askujt,” ka thënë ai.

    Çaushi ka reaguar edhe për një deklaratë të analistit Halil Matoshi i cili më herët gjatë ditës e ka thënë se Vetëvendosje mund të qëndrojë pas këtyre akteve.

    “Kjo lidhje përveç që është një spekulim i pabazuar nga z.Matoshi, njëkohësisht është dashakeqe, duke ditur që Lëvizja çdo herë aksionet e aktivitetet e veta i ka publike dhe i shoqëron me komunikatë, foto e video (siç ishte rasti te rrotullimi i maunes me mallra serbe, aksion që erdhi pas ndalimit të librave shqip për shkollat në Luginë”, ka thënë ai.

    Sot në orët e hershme të mëngjesit, një veturë që sipas Ismet Beqirit është pronë e LDK-së është djegur afër banesës ku ai jeton.  Beqiri ka thënë se vetura e tij është djegur me koktej molotovi.

    Kjo është vetura e tretë e zyrtarëve shtetërore që digjet në javët e fundit. Fatin e njëjtë si vetura e Beqiti e ka pasur edhe ajo e Memli Krasniqit, Adem Grabovcit dhe Bajram Gecajt.

    Më herët gjatë ditës, edhe Partia Demokratike e Kosovës dhe Aleanca për Ardhmërinë e Kosovës kanë dënuar këtë sulm./Insajderi.com

    OP-ED
    Nga Rubrika
    Lajme
    24 July 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark