Dua Lipa ka fituar çmimin si artistja më e mirë britanike sonte në ceremoninë “Bri Awards”.

Në mesazhin e saj emocionues me këtë rast, këngëtarja 25-vjeçare nga Prishtina ka falënderuar familjen dhe ekipin e saj për mbështetjen e dhënë.

“Faleminderit shumë. Është nder të jem këtu dhe përsëri në skenë. Herën e kaluar kur kam qenë këtu në vitin 2018, kam thënë se dëshiroj të shoh më shumë gra në këtë skenë dhe tri vjet më vonë jam shumë e lumtur që po e shoh këtë”, ka thënë Lipa, e cila me “Physical” synon të marrë çmimin për këngën më të mirë, teksa është e nominuar edhe për Brit Album, me “Future Nostalgia”.