Presidenten Osmani e takoi por jo edhe kryeministrin Kurti. Dy ditë qëndrim në Kosovë, Ndihmës Administratorja e USAID-it, Erin E. McKee zhvilloi disa takime.
Por, në ngjarjet ku ajo po merrte pjesë, nuk ishte i ftuar kryeministri Kurti. Mos takimi i zyrtares së lartë amerikane me kryeministrin Kurti shpërfaq edhe njëherë raportet jo të mira që ka ndërtuar i pari i qeverisë me Amerikën.
Kujtojmë viziten e zyrtarës amerikane para dy viteve në Kosovë kur ajo ishte pritur nga Kryeminsitri Kurti dhe kishte mbajtur një konferencë për media pas takimit.
Takimi ishte mbajtur me 5 dhjetor 2022.
Erin E. McKee ka qëndruar gjatë dy ditëve për vizitë në Kosovë. Ajo ka pasur disa aktivitete në Kosovë, teksa dje është pritur në takim nga presidentja e vendit, Vjosa Osmani, pas së cilit kanë pasur edhe një adresim para mediave.
McKee ishte pritur edhe nga Ambasadori Jeffrey Hovenier dhe mbi 25 gra të suksesshme kosovare, në rezidencën e Ambasadorit Amerikan në Kosovë.
Lidhur me prishjen e raporteve me aleatët ndërkombëtar, Kurti dje deklaroi para mediave se kjo “nuk është e vërtetë” duke mos e komentuar më gjatë pyetjen e gazetarëve./ Insajderi.org/