Një zyrtare ka raportuar se janë deponuar para të falsifikuara nga një person në bankën ku ajo punon në Prishtinë.
Për të njëjtin problem ka raportuar edhe një zyrtar tjetër i bankës i cili ka thënë se nga një klient është deponuar një monedhë e cila dyshohet të jetë e falsifikuar.
Sipas raportit të Policisë së Kosovës monedhat janë duke u konfiskuar dhe rasti është duke u hetuar.
Raportet e plota:
“Prishtinë 10.05.2023 – 12:55. Ankuesja femër kosovare ka informuar se nga një person janë deponuar monedha të falsifikuara. Monedhat e dyshuara janë konfiskuar dhe rasti është duke u hetuar”.
“Prishtinë 10.05.2023 – 13:11. Ankuesi mashkull kosovar ka informuar se nga klient është deponuar një monedhë e cila dyshohet të jetë e falsifikuar. Monedha është konfiskuar dhe rasti është duke u hetuar”.