Deputetja e Partisë Demokratike të Kosovës (PDK), Ganimete Musliu, ka thënë se Albin Kurti e ka grabitur zmadhuesin përmes të cilit PDK-ja i ka lëshuar video-incizimet e Mimoza Kusari-Lilës.
Musliu tha se deputetja Blerta Deliu ka shkuar për t’ia kërkuar, por Kurti i ka thënë se “e keni lënë në vend të gabuar”.
Sipas Musliut, Lëvizja Vetëvendosje sot ka provokuar vazhdimisht.
”Zmadhuesin që e kemi lëshu sot e ka marrë Albin Kurti dhe nuk na e ka dhënë më, e ka grabitur. Vetë Albin Kurti, shkon Blerta Deliu i thotë t’ia kthejë, nuk na ka leju me marrë. Sot kanë qenë komplet jashtë kontrolles. Kanë mëndu se po na frikësojnë se na jemi pak veta”, ka thënë Musliu në Pressing.