Kryeministri i Kosovës, Albin Kurti, është duke qëndruar për vizitë zyrtare në Shtetet e Bashkuara të Amerikës.

Në këtë udhëtimi të shumëpritur drejtë tokës përtej Atlantikut, Kurti me vete ka marrë shefin e stafit të tij, Luan Dalipin, por jo edhe kryetarin e Grupit te Miqësisë me SHBA-të, Dimal Bashën.

Basha në prill të këtij viti ishte zgjedhur në pozitën e kryetarit të Grupit të Miqësisë me SHBA-të, grup ky në kuadër të Kuvendit të Kosovës.

Arsyeja e themelimit të këtij grupi ishte që të thellohen më tutje marrëdhëniet në mes Kuvendit Kosovës dhe homologëve në SHBA.

Me marrjen e kësaj pozite Basha kishte thënë se përmes këtij grupi do t’i pasurojmë edhe më tutje marrëdhënie në mes Kosovës dhe SHBA-së.

“Për mua si deputet ky grup është i rëndësisë së veçantë, siç është e veçantë edhe lidhja jonë historike me Shtetet e Bashkuara, dhe prandaj puna dhe obligimi jonë kombëtar si përfaqësues është që përmes këtij grupi t’i pasurojmë edhe më tutje këto marrëdhënie të shenjta mes nesh”, kishte shkruar Basha.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur