Gazeta Insajderi ka mësuar se përveç arrestimit të Faruk Mujkut, kryeshefit ekzekutiv të Bordit të Ndërmarrjes Hidroekonomike “Ibër-Lepenci” është arrestuar edhe një zyrtar tjetër.

Siç bëjnë me dije burime të Insajderit pranë Prokurorisë, bashkë me Mujkun është arrestuar edhe ish-drejtori i Drejtorisë për Gjeodezi, Kadastër dhe Pronë në Komunën e Mitrovicës, Hysen Muzliukaj.

Muzliukaj tash është këshilltar i Ministrit të Bujqësisë, Faton Peci.

Ndërkohë, Mujku po dyshohet se është përfshirë në një aferë korruptive sa ishte nënkryetar i Mitrovicës nga radhët e LVV-së.

Sipas raportimeve të mediave, ish-nënkryetari i Mitrovicës kishte qenë pjesë e partisë së gruas së Sllobodan Millosheviqit, Mira Markoviq. Këto pretendime, Mujka nuk i ka mohuar asnjëherë.

Në dhjetor të vitit të kaluar, ish-kryetari i degës së Lëvizjes Vetëvendosje në Mitrovicë njëherit aktivisti i kësaj partie, Faruk Mujku ishte emëruar Kryeshef Ekzekutvi i Ndërmarrjes Hidroekonomike “Ibër Lepenci”.

/Insajderi