Herë si regjisor e herë si producent, Gentrit Shala është personi që është arrestuar nga Policia e Kosovës për mashtrim të disa bizneseve në Gjilan dhe Prizren me qëllim që të përfitoj financiarisht nga kompanitë në emër të emisionit “Aksham me Gjylin” të aktorit Osman Azemi. Po i njeti person, kishte përfituar fonde publike nga Komuna e Gjilanit. Për këto fonde të ndara për OJQ “The Future” ku, Gentrit Shala është i paraqitur si regjisor është duke u hetuar nga Prokuroria në Gjilan. Insajderi kshte raportuar ekskluzivisht për këto keqperdorime.

Dretoria Rajonale e Gjilanit ka bërë të ditur se ka arrestuar 25 vjeçarin, Gentrit Shala i dyshuar se ka future në lajthitje disa biznese në Gjilan e Prizren duke i mashtruar dhe duke përfituar shuma të konsiderueshme parash nga ta.

“I dyshuari këto mashtrime dyshohet se i ka bërë duke u thirrur në emër të një kompanie nga Prishtina me pronar Shqiptar Shtetas i Kosovës kinse kjo kompani këto biznese do ti reklamoj gjatë shfaqjes së një seriali në një televizionin publik Kosovar”, thuhet në njoftimin e policsë.

Gentrit Shala është ndaluar 48 orë nga Policia e Kosovës nën akuzën për “Mashtrim”.

Gazeta Insajderi mëson se shuma që ai ka përfituar nga këto kompani ka qenë 150 euro për një kontratë.

Insajderi ka kontaktuar po ashtu edhe palën e dëmtuar. Aktori, Osman Azemi ka konfimruar rastin duke bërë të ditur se bëhet fjalë për disa kontrata që i dyshuar (Gentrit Shala) i ka nënshkaur në emër të tij me biznese të ndryshme

Si e zbuloi Osman Azemi se po i keqpërdorej emisioni për përfitime të tjetër kujt?

Osman Azemi, i njohur me personanzhin e “Teta Gjyli” tregon për Gazetën Insajderi se si i ra në fije se emri i tij po keqpërdoret nga një mashtrues dhe po dëmtohen biznese të shumta.

Fillimisht Osmanin e kishte thirrë një kompani e dëmtuar duke e pyetur se kur po fillon me xhirimet në bazë të kontratës që ata kishin nënshkaru me të dyshuarin Gentrit Shala. Për këtë kontratë Osmani nuk ishte në dijeni fare.

“Me ka thirr një biznes i Ferizajt dhe me tha unë e kam kry pagesën, tha kur keni me ardh me xhiru, unë e pyta me kë po flas se unë jam Osmani, tha po, një djal me emrin Gentrit ka fol si producent i serialit, une i thash që nuk njoh askend, sigurit është mashtrim. Pastaj ai ma dërgoj kontraten dhe unë menjëherë e lajmrova rastin në polici. Edhe sot mu kanë lajmëru 7-8 biznese që nga momenti që është bërë publike si lajm”, u shpreh Azemi.

Pasi Azemi ka pranuar kontratën, e ka kontatuar Gentrit Shalën duke i kërkuar llogari për të bëmat e tij.

“Puno ndershëm”, i kishte thënë Azemi duke shtuar për Insajderin se është ndjerë keq për bizneset e dëmtuara.

“Kur mi kanë dërgu bizneset kontratat, ai e kishte lënë numrn e telefonit. Edhe unë e thirra në telefon. Momentin që e murr vesh që jam unë, unë e luta i thash të lutem gjeje një punë të ndershme e puno ndershëm si krejt bota mos u merr me këso mashtrime sepse unë u ndisha shumë keq kur bizneset u dëmtojshin në emër tem. Unë shkova meniherë në polici dhe e lajmrova rastin shkova drejt në Gjilan se e mora vesh që është nga atje, policia u treguan shumë profesional dhe e kanë ndalu personin”, ka thënë Azemi.

Për këtë rast që u zbulua është njoftuar edhe Prokuroria pas denoncimit të vet aktorit Azemi, i cili ka dhënë deklaratë në Polici në cilësinë e viktimës.

Emri i Gentrit Shalës është i njohur për mashtrim.

Gazeta Insajderi kishte raportuar më herët për një projekt të financuar nga fondet komunale lidhur me një Dokumentar për Medvegjën.

Emri i tij përmendej si regjisor në projektin: Dokumentar për Medvegjën, projekt i financuar nga Komuna e Gjilanit, por që kurrë nuk u realizua.

Gentrit Shala kishte përfituar përmes organizatës “The Future” përfaqësues i së cilës ishte Arianit Ibrahimi.

Grupi kishin marrë një shumë prej 1 mijë e 500 eurosh. Paratë i morën, por projektin nuk e realizuan kurrë, shkruan Insajderi.

Në këtë projekt shef i Gentian Shalës ishte Arianit Ibrahimi. Emri i tij figuronte nëprojekt.

Cila është lidhja e mikut të Gentrit SHalës, Arianit Ibrahimit me kryetarin e Gjilaint, Alban Hysent?

Arianit Ibrahimi është asamblist në Gjilan nga radhët e AKR-së së Pacollit. AKR në Gjilan është në koalicion me Levizjen Vetëvendosje pjesë e së cilës është kryetari Alban Hyseni.

Përpos projektit të fituar më herët, Pushteti i Alban Hysenit, përmes një thirrje publike ishte kujdesur që t’i ndante të kënaqur me shumën e ndarë të parave miqtë e ngushte të partnerit të tij të koalicionit, Arianit Ibrahimit të AKR-së.

Skema e përfitimit e njerëzve të afërt me partnerin e koalicionit të Alban Hysenit u ndërpre pas presionit të madh publik.

Nga “Marrëveshje mbi Parimet”, në ndarje tinëz të afro 4 mijë euro për njerëzit e partnerit të koalicionit

Përfituesi më i madh i thirrjes publike të shpallur nga pushteti i Alban Hysenit të VV-së, ishte një organizatë e drejtuar nga miqtë e ngushtë të partnerit të tij të koalicionit, Arianit Ibrahimi. Organizata quhet “Lirona MDV”.

Drejtohet nga Lirona Zuka, Gentrit Shala, Argjenta Qamili. Të tre janë miq të Arianit Ibrahimi, kryetarit të degës së Aleancës Kosova e Re në Gjilan. AKR në Gjilan është në koalicion me Vetëvendosjen, që pushteti drejtohet nga Alban Hyseni.

Emri i projektit përmes së cilit, miqt e Ibrahimit tentuan t’i marrin mjetet nga komuna, është “Film Dokumentar për vlerat kulturore”.

Të njëjtit kishin përfituar edhe nga pushteti i Lutfi Haziri, përmes organizatës “The Future” përfaqësues i së cilës ishte Arianit Ibrahimi.

Grupi kishin marrë një shumë prej 1 mijë e 500 eurosh për të realizuar një dokumentar për Medvegjën. Paratë i morën, por projektin nuk e realizuan kurrë, shkruan Insajderi.

Vetëm një gjë ndryshon te përfitimet e projekteve nga të dy pushtetet.

Në projektin e kaluar shef i Lirona Zukës, Gentian Shalës e Argjenta Qamilit ishte Arianit Ibrahimi. Emri i tij figuronte në projektin e kaluar. Në të riun nuk figuron zyrtarisht pasi që është partner zyrtar i koalicionit bashkë-qeverisës me Alban Hysenin e VV-së.

Ibrahimi është asamblist në Gjilan nga radhët e AKR-së së Pacollit.

Gazeta Insajderi, i ka dërguar pyetje komunës së Gjilanit. Ende nuk ka marrë përgjigje se si është e mundur që përfitues të jenë njerëzit e partnerit të koalicionit, gjë që bie në kundërshtim me deklarimet e kryetarit Hysenit.

Ai kur kishte bërë thirrje për t’iu bashkëngjitur VV-së në koalicion kishte potencuar disa herë se ata që duan të jenë pjesë e bashkëqeverisjes duhet të nënshkruajnë një dokument të emërtuar “Marrëveshje mbi Parimet”.

Megjithatë, Hyseni mbrëmë vendosi që të anuloj të gjithë procesin e thirrjes publike për subvencionimin e organizatave duke pohuar se arsyeja e anulimit ka qenë nga parregullsitë që janë bërë gjatë procesit.

“Nga vlerësimi i bërë procesit ne konstatojmë për parregullsi, të mjaftueshme për ta kontestuar dhe për të vendosur për anulim të gjithë procesit të thirrjes publike për subvencionimin e organizatave dhe individëve nga fusha e Kulturës, Rinisë dhe Sportit”, shkruan ai.

Hulumtimi i Insajderit- “Parimet” e Alban Hysenit, afro 4 mijë euro për miqtë e partnerit të koalicionit të tij

Dokumentari për Medvegjën| Prokuroria në Gjilan s’po përgjigjet, Kadriu i kërkon llogari prokurorit Isuf Sadikaj

© Gazeta Insajderi