Shkrimi i gazetës më të madhe amerikane “The New York Times” për ekstremizmin në Kosovë, ka qenë një nga shkrimet më të lexuara në botë gjatë kësaj jave.

Sipas një të dhënave të publikuara nga “The Atlantic”, shkrimi “Qysh Kosova u kthye në një bazë të ndjeshme për ISIS”, i shkruar nga Carlota Gall, e që bëri bujë të jashtëzakonshme përpos në Kosovë edhe në të gjitha mediat  e tjera, ka qenë tema më  e kërkuar dhe më e lexuar gjatë javës.

Shkrime të tjera të cilat janë lexuar më së shumti gjatë javës janë ato për historinë e fjalës “Pho” në Vietnam që përdoret për të shpjeguar lidhjet romantike i publikuar në “Lucky Peach”, recensioni për librin “The Kurds: A Divided Future” botuar në “The New York Review of Books”, e deri tek shkrimi i AP-së, për trendin më të ri në Kubë, fotografitë për letërnjoftim që tashmë po bëhen në formën digjitale./Insajderi.com