Presidenti Recep Tayyip Erdogan ka bërë thirrje për një mobilizim kombëtar kundër të gjitha organizatave terroriste.

“Si kreu i Republikës së Turqisë, deklaroj mobilizimin kombëtar kundër të gjitha organizatave terroriste të lidhura me Partinë e Jashtëligjshme të Punëtorëve të Kurdistanit, Shtetin Islamik, FETO-n organizata terroriste gyleniste, Partisë apo frontit për Çlirimin e Popullit Revolucionar dhe të tjerëve, cilido qoftë emri i tyre, diskurset apo metodat”, tha Erdogan.

Ai para krerëve komunalë në Pallatin Presidencial të mërkuren tha se kushdo që ka informacione mbi aktivitetet e këtyre organizatave duhet të informojë urgjentisht forcat e sigurisë.

Erdogan nxiti gjithashtu forcat e sigurisë të mos hezitojnë të ushtrojnë autoritetin e tyre deri në fund.

Ai theksoi se plot 1.178 persona janë vrarë gjatë luftimeve me PKK-në gjatë këtij viti, rreth 330 të tjerë janë vrarë nga sulmet e Shtetit Islamik, sikurse edhe 248 viktimat e shënuar gjatë përpjekjes së dështuar për grusht shteti më 15 korrik.