I’u ofroi dashurinë e kujdesin kur ata kishin nevojë më së shumti. Plot 18 vjet familja Selmanaj po kujdeset për fëmijët e braktisur. Kjo shtëpi në fshatin Dardani të Ferizajt, u bë një strehë e ngrohtë për shumë fëmijë.
Gjithçka filloi në vitin 2004 kur e zonja e shtëpisë, Ymrie Selmanaj po shihte një emision televiziv teksa bënin apel për të strehuar fëmijët e braktisur.
Në fillim kishte hezituar, mirëpo vajza e kishte bindur se fëmijës nuk i duhet më shumë se ta lash, ushqesh e të luash me të.
Dhe kështu mëngjesi i së nesërmes i kishte gjetur para Qendrës për Punë Sociale në Ferizaj, duke interesuar se si mund të kujdesen për ata fëmijë.
Një muaj pas kësaj, familjes Selmanaj iu bashkua një anëtare e re, një vajzë katër javëshe.
Ky ishte fëmija i parë që zonja Ymrie strehoi në shtëpinë e saj, më pas fokusin kryesor e kishte tek fëmijët me nevoja të veçanta. Deri sot kjo familje strehoi 18 fëmijë të braktisur.
Për më shumë klikoni në videon e bashkangjitur: