Këngëtarja e njohur Fjolla Morina është arratisur nga Shqipëria pasi gjykata e Kukësit vendosi pak muaj më parë që hetimet ndaj këngëtares të vijonin në arrest shtëpie.

Ajo gjatë ditës së djeshme është parë nën shoqërinë e aktivistit Rron Gjinovci dhe familjareve të tjerë, në një restorant në Kosovë.

Banesa ku Morina qëndronte me qira ishte në Kukës. Ajo e kishte marrë shtëpinë me qira përballë rajonit të policisë, gjatë kohës që Policia ka shkuar për kontroll dhe nuk e kanë gjetur në banesë atë, duke nisur kërkimet.

Këngëtarja u arrestua më 19 shtator në pikën kufitare të Morinës me dy armë me vete në makinë.