Në të vërtetë, kur temperatura e trupit është e lartë – jemi më aktivë, por kur është më e ulët lehtë mund të qetësohemi dhe të flemë gjumë.

Temperatura ideale e dhomës për gjumë është 18 gradë Celsius, ndërsa me shputat e pambuluara rregullojmë temperaturën e trupit. Prandaj, shputat në të vërtetë janë mekanizma të përsosur për ftohje, transmeton Telegrafi.

Eksperti i gjumit ka zbuluar që shputat kanë strukturë të posaçme vaskulare të cilën nuk e ka asnjë pjesë tjetër e trupit.

Në të vërtetë, arteriet dhe venat zgjerohen kur kemi të nxehtë, dhe më shumë gjak arrin në sipërfaqe të lëkurës dhe në atë mënyrë e ftoh atë.

Veç kësaj, shputat nuk kanë qime, andaj bëhen të ftohta gjatë natës. Prandaj temperatura jonë trupore rregullohet dhe mund të flemë rehat.

Për të fjetur gjumë, temperatura e trupit duhet patjetër të ulet për gjysmë grade apo për një gradë Celsius. Prandaj është e vështirë të flihet gjumë kur dhoma është e ngrohtë.

Meqenëse është me rëndësi që trupi gjatë natës të “ftohet”, mbajtja e shputave jashtë çarçafëve është krejtësisht e mjaftueshme.

Me arritjen e ditëve më të ngrohta shumica kanë dilemë – t’i mbulojnë apo jo, ndërkaq zbulimi i shputave derisa trupin e keni të mbuluar mund të jetë zgjidhje e përsosur.