Për trafikun e Prishtinës gati të gjithë ankohen. Kaos në secilën rrugë, kolona në secilën pjesë.

Por në komunën e Prishtinës në pjesë të caktuara të qyteti janë të vendosura shenja trafiku në mënyrë ta pa rregullt,gjithashtu gjinden edhe shenja të cilat janë të dëmtuara si dhe që shfrytëzohen si hapësira reklamuese.

Në trotuarin për lëvizje të këmbësorëve, pranë Komunës së Prishtinës gjendet një shenjë trafiku e cilën njoftimi për ndalim parkimi është i kthyer në drejtim të kundërt.

Gjithashtu në Rrugën “Ilir Kunushevci”, shenja e cila tregon vendkalimin e këmbësorëve është larguar krejtësisht dhe është vendosur përmbi një gjenerator.

Shenja e cila tregon rrugën e emërtuar “ Lidhja e Prizrenit”, është deformuar dhe qëndron e mbështetur pranë një muri të një ndërtese.

Edhe shenja e cila tregon rrugën “ Johan V. Hahn” është shtrembëruar dhe qëndron e fshehur pas një tjetër shenje trafiku.

Në rrugën “Fehmi Agani”, afër ndërtesës së OSBE-së, dy shenja trafiku qëndrojnë të rrëzuara të mbështetura pranë murit të ndërtesës.

Shenjë trafiku e dëmtuar hasen edhe në rrugën Bulevardi “Bill Klinton”, e cila  qëndron në mënyrë të pjerrët.

Në rrugën “Garibaldi”, shenja e cila tregon për ndalim parkimi pranë objektit të Drejtorisë së Infrastrukturës Lokale, shenja është e mbuluar nga rrethojat dhe nga degët  e pemës pranë saj.

Shenja e cila tregon rrugën “Pashko Vasa” në lagjen Pejton, është e ngarkuar edhe me një reklamë të një biznesi privat.

Në lagjen “Qafa”, rruga “UCK”, janë të vendosura dy herë të njëjta shenja, të cilat tregojnë për vendndodhjen e shkollës si dhe për lëvizjen e nxënësve pranë rrugës.

Përveç shenjave që janë të dëmtuar dhe të vendosura gabimisht, në kryeqytet hasen edhe shtylla të shenjave të trafikut, në të cilat nuk janë të vendosura shenjat përkatëse./Insajderi.com