Të paktën tetë persona kanë vdekur për shkak të përmbytjeve në rajonin Emilia-Romagna të Italisë dhe mijëra njerëz janë evakuuar nga shtëpitë e tyre, kanë thënë autoritetet italiane, raporton ANSA.

Nga mbrëmja e djeshme deri në mëngjesin e së enjtes, praktikisht të gjitha rrjedhat ujore midis Riminit dhe Bolognas u vërshuan nga brigjet e tyre, duke përmbytur zona të gjera të Romagnas.

Autoritetet lokale njoftuan se përmbytjet kanë prekur 37 qytete dhe se janë regjistruar rreth 120 rrëshqitje dheu.

Shkollat ​​do të qëndrojnë të mbyllura të enjten në shumicën e komunave të prekura, veçanërisht në rajonin e Bolognas dhe Romagnas.

Në Modena sot do të jetë në fuqi ndalimi i qarkullimit mbi ura, i cili ishte i vlefshëm gjatë natës.

Një urë u shemb pranë Bolognas dhe shumë shërbime të trenave u pezulluan.

Agjencia për Mbrojtje Civile paraprakisht kishte paralajmëruar se reshjet nuk kanë mbaruar dhe se është situatë shumë e komplikuar.

Si pasojë e stuhisë, 50 mijë persona kanë mbetur pa energji elektrike.

Massive floods and landslides after heavy rains in Emilia-Romagna region, Italy 🇮🇹

TELEGRAM JOIN 👉 https://t.co/yY0dMMK1fg pic.twitter.com/5MKfciwiKs

— Disaster News (@Top_Disaster) May 17, 2023

Crazy floods wreak havoc in Italy

Follow us on Gab: https://t.co/IuhLFQBiZE pic.twitter.com/1vRPVCbq4h

— RT (@RT_com) May 18, 2023