Wagner beson se futbollistët nuk bëjnë para aq sa duhet, madje thotë që edhe futbollistët e Bayernit të cilët paguhen nga 12 milionë euro në vit, nuk marrin mjaftueshëm në krahasim me atë që japin.

“Kur i sheh sakrificat që futbollistët duhet të bëjnë, ata nuk fitojnë para mjaftueshëm. Dhe karriera juaj është vetëm 10 apo 15 vite e gjatë, kështu që duhet të mendoni për një fillim krejt të ri pas kësaj”, tha Wagner për gazetën gjermane Bild.

Sulmuesi gjerman theksoi se duke marrë parasysh pagën që kanë sportistët profesional në Amerikë, në Evropë është dukshëm më e ulët.

“Unë mendoj se as 12 milionë euro që marrin futbollistët e Bayernit nuk janë aq sa duhet. Atletët profesional në Amerikë marrin shumë më shumë para”, përfundoi Wagner.

Wagner ka dalë nga akademia e futbollit të Bayern Mynihut, por dështoi të siguronte vend në skuadrën e parë bavareze.

Ai ka fituar Kampionatin Evropian me Gjermaninë U-21 në vitin 2009, në një skuadër me Mesut Ozil, Matts Hummels dhe Manuel Neuer. /Insajderi.com