Pamje shumë të ëmbla dhe që të prekin zemrën në të njëjtën kohë, vijnë nga Borneo, ku një nënë orangotang dhe këlyshi i saj i kanë shpëtuar për një fije vdekjes, pasi në këtë zonë, zjarre të ndryshme kanë djegur një pjesë të madhe të pyllit, duke lënë kafshët pa ushqim.

Mamaja Nam ishte dehidratuar dhe i kishte munguar ushqimi deri në atë pikë saqë nuk arrinte dot të prodhonte qumësht për të ushqyer këlyshin e saj. Veterinerët shprehen se bëhet fjalë për rastin më të keq të kequshqyerjes tek orangotangët e gjetur deri më tani.

Nëna dhe këlyshi i saj u dërgua në qendrën e rehabilitimit për orangotangët në Ketapang.