×
  • Lajme
  • Botë
  • Lajme / Botë

    Gazetarët grekë sërish në grevë

    Insajderi
    03 February 2016 - 09:46

    Kriza e rëndë ekonomike në Greqi nuk ka lënë të paprekur as gazetarët grek.  Për të protestuar për kushtet e punës me të cilat përballen, sindikatat e gazetarëve kanë marrë vendim që të fillojnë me grevë të përgjithshme.  Kështu, prej orës 6 të mëngjesit të së mërkurës, kanalet televizive, radiofonike dhe agjencitë e informacionit nuk transmetojnë asnjë lajm.

    Kjo është greva e dytë brenda një javë dhe organizohet vetëm një ditë para një greve më të madhe të organizuar, që ka përfshirë të gjitha sindikatat greke të sektorit privat dhe publik, njoftojnë mediat greke.

    Në vitet e krizës që ka filluar para disa viteve, papunësia në radhët e gazetarëve në Greqi ka shkuar në masën 60%, ndërsa është rritur puna në të zezë dhe pagat e ulta në portalet e ndryshme të informacionit, në të cilat vërehet edhe mungesa e deontologjisë dhe e profesionalizmit.

    Ata kërkojnë gjithashtu që të mos hiqet taksa mbi reklamat që paguajnë të gjitha palët e interesit në favor të skemës së tyre të pensioneve./Insajderi

     

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika
    Botë
    28 February 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark