Pavarësisht se për hedhjen e raketave në territorin e Polonisë javë më parë kishte reaguar edhe shefi i NATO-s Jens Stoltenberg duke thënë se nuk i kishte hedhur Rusia, ministrja e Punëve të Jashtme dhe Diasporës, Donika Gërvalla-Schwarz përsëri nuk mendon njëjtë.

E ftuar në një studio televizive Gërvalla tha se “Po të mos ishte Rusia ato raketa nuk do të kishin shpërthyer në territorin polak”. Duke e mbështetur deklaratën e mëhershme për të cilën u kritikua mjaft shumë.

Ministrja atëkohë e bëri përgjegjëse Rusinë, derisa Bashkimit Europian iu drejtua me një kërkesë të qartë – ta ndalë Putinin.

“Ne vajtojmë humbjen e jetëve të pafajshme të polakëve që u vranë nga raketat ruse. Mendimet tona janë me familjet e tyre, Kosova qëndron krah njerëzve të Polonisë kundër regjimit të Putinit. BE-ja duhet të më e vendosur që të ndalë Putinin përpara se ai dhe satelitët e tij të sjellin luftë mbi gjithë kontinentin”, ishte reagimi i Gërvallës.