Vërshimeve si rezultat i reshjeve të mëdha të shiut nuk i ka shpëtuar as Skenderaji.
Kryetari i Komunës, Fadil Nura për Insajderin ka deklaruar se është shpallur gjendje e jashtëzakonshme.
Ai ka thënë se gjendja është e rëndë dhe ekipet emergjente, zjarrfikësit, drejtoria e shërbimeve publike janë në terren.
Ata pos tjerash janë duke u munduar t’i evakuojnë personat nga zonat e rrezikuara.
Ndërsa, procesi mësimorë në këtë komunë për sot dhe nesër është pezulluar.
Në vijim janë pamjet e siguruar nga Insajderi që tregojnë gjendjen momentale në disa zona të kësaj komune.