Lucas Vazquez u ka bërë me dije tifozëve të Real Madridit se nuk ka përfunduar asgjë dhe gjithçka do të vendoset në ndeshjen kthyese në shtëpi.

Pas humbjes së thellë 3-0 të Real Madridit në Emirates Stadium në kuadër të Ligës së Kampionëve, Los Blancos tani kanë sytë kah ndeshja e kthimit, që pritet të luhet në Santiago Bernabeu.

Kylian Mbappe tha se rikthimi është i mundur, dhe se të njëjtin mendim e ndante edhe trajneri Ancelotti.

Në anën tjetër, Vazquez dërgoi një mesazh për tifozët e Real Madridit.

Sapo përfundoi ndeshja, ai iu afrua tribunës ku ndodheshin tifozët bardhezi dhe bëri një gjest me dorën e tij.

“Ka mbetur edhe ndeshja e kthimit”, thuhet t’iu ketë thënë kapiteni tifozëve të Real Madridit.