Përkundër deklarimit të algjerianit muajin e kaluar se do të qëndronte tek Valencia, tani mesfushori ka refuzuar ta zgjasë kontratën e re të ofruar nga klubi spanjoll, njoftojnë mediet spanjolle.

Valencia nuk janë në gjendje t’ia rrisin rrogën Feghoulit, me ç’rast pritet largimi i tij nga klubi i tretë më i trofeshëm në Spanjë.

Liverpool dhe United e kanë vëzhguar 26-vjeçarin rregullisht këtë vit derisa edhe tre skuadra italiane janë vënë pas futbollistit.

Feghouli iu bashkua “lakuriqëve” nga Grenoble në vitin 2010, dhe që atëherë ka bërë më shumë se 100 paraqitje për klubin.