Një grabitje e armatosur ka ndodhur në orët e para të mëngjesit të sotëm në rrugën “Hajrullah Zymi” në Fushë Kosovë. Sipas Policisë, një person ka rënë viktimë e grabitësve të armatosur.

Rasti në Polici është raportuar rreth orës 08:30, ndërsa dyshohet se ka ndodhur rreth orës 06:30.

Zëdhënësja e Policisë për rajonin e Prishtinës, Flora Ahmeti, ka konfirmuar për Insajderin se grabitësit i kanë marrë një shumë të parave ankuesit, nën kërcënimin e armës dhe me forcë.

“Në koordinim me Prokurorinë përkatëse, hetuesit policor janë duke ndërmarrë të gjitha masat e nevojshme në lidhje me rastin”, tha Ahmeti.

Për momentin nuk dihet shuma e saktë e parave të grabitura, ndërsa hetimet janë në zhvillim.