×
  • Lajme
  • Lajme

    Grabovci: Protestat nuk mund ta ndalin bërjen e Thaçi president

    Insajderi
    11 February 2016 - 18:25

    Shefi i grupit parlamentar të Partisë Demokratike të Kosovës, Adem Grabovci thotë se kryetari i partisë Hashim Thaçi tashmë e ka të sigurt zgjedhjen President i Kosovës.

    Sipas Grabovcit, koalicioni PDK-LDK ka raporte korrekte dhe se ky bashkëpunim është duke vazhduar.

    “Kemi komunikim në baza ditore dhe koalicioni do të vazhdoj ta respektoj marrëveshjen e koalicionit dhe nuk ka asnjë dyshim për këtë”, ka thënë Grabovci në emisionin “Info Magazine”.

    Madje sipas Grabovcit votimin e Hashim Thaçit për president të Kosovës nuk mund ta ndalë opozita me asnjë formë, madje as me protesta.

    “Thaci i ka votat e mjaftueshme për t’u zgjedhur president i Kosovës andaj askush nuk mund ta ndalë këtë. Është për të ardhur keq që opozita organizon protestë në ditën që do të duhej të ishte ditë feste për shtetin e Kosovës”, ka thënë Grabovci.

    Ai ka thënë të jetë i bindur se deputetët e koalicionit kanë vetëdije të lartë, aq sa për të votuar Thaçin president.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark