Deputeti Burim Meta ka kritikuar ashpër dy liderët e partisë “Guxo”, Donika Gërvallën dhe Faton Pecin, duke thënë se ata kanë shndërruar partinë e tyre në një “parti satelit” të Lëvizjes Vetëvendosje.

Meta e shpjegoi këtë qëndrim duke theksuar se “Guxo” ka dështuar të ruajë identitetin e saj të pavarur dhe tani është e lidhur ngushtë me qeverinë aktuale.

Ai u shpreh “Krijuam një mbledhje të Guxo dhe nga pikat e dobëta që kam pasur partia Guxo, konkretisht dy bashkëkryetarët, natyrisht ne vendosëm që nuk mund ta mbështesim një parti, e cila është satelit e pushtetit apo e një partie tjetër, Vetëvendosjes. Natyrisht edhe kjo pamje e kësaj liste tregon më të vërtetë që është parti satelit. E cila asnjëherë më nuk ka përçuar identitetin për të cilin ne fillimisht jemi marrë vesh edhe me statutin tonë.”, tha ai në RTV Dukagjini.

Meta shtoi se synimi për krijimin e një partie të pavarur dhe të fortë ishte larguar, dhe kjo ishte një humbje për partitë e reja politike në Kosovë.

“Ne krijuam një organizatë të re politike në Kosovë, organizatë që pretendimin të jetë më e mira. Dhe që partia jonë ka qenë joshëse dhe ka pasur shumë interesime më kohë e më kohë që të inkuadrohen e të vijnë tek ne. Por është mbyllur dhe nuk është pranuar nga bashkëkryetarët. Të cilët ndjenin vetëm interesat e tyre personale, duke korruptuar interesat e partisë,” tha ai.

Në lidhje me presidenten Vjosa Osmani, Meta e akuzoi Gërvallën dhe Pecin se e kishin tradhtuar. “E kanë tradhtuar me dy këmbët e tyre… Është shantazhuar duke folur fjalë për të, që është e panevojshme më për partinë Guxo,” përfundoi ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!