×
  • Lajme
  • Lajme

    Haradinaj: Peticioni kundër ambasadorit Delawie është i pavlerë

    Insajderi
    20 February 2016 - 15:40

    Ramush Haradinaj, kryetar i Aleancës për Ardhmërinë e Kosovës, ka reaguar sot rreth një peticioni që kërkon largimin e Ambasadorit amerikan Greg Dealwie nga Kosova.

    Haradinaj e ka quajtur këtë peticion si të pavlerë dhe kundër Kosovës.

    “Për mua personalisht dhe AAK-në, i ashtuquajturi peticion për largimin e Ambasadorit Amerikan nga Kosova është jokredibil dhe i pavlerë”, ka shkruar Haradinaj në llogarinë e tij në Facebook.

    “Veprimet e tilla nuk janë të orientuara vetëm kundër Ambasadorit Amerikan dhe SHBA-ve por edhe kundër vetë Kosovës dhe shqiptarëve”.

    Një peticion i tillë, që po qarkullon në rrjete sociale, duke se është nxitur pas kritikave që ambasadori Delawie i bëri dje tri partive opozitare pas hedhjes së gazit lotsjellës në Kuvendin e Kosovës.

    Në ndërkohë, deputeti nga Lidhja Demokratike e Kosovës, Bardhyl Meta, akuzoi pikërisht partitë opozitare se “indirekt përmes një personi special” kanë iniciuar këtë peticion./Insajderi.com

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark