Kryetari i AAK-së, Ramush Haradinaj njoftoi përmes Facebook se kishte shkuar për të parë situatën nga afër pas vërshimeve në Pejë.

Ai u shpreh se kishte ndarë dhimbjen me familjen e viktimave.

Nëpërmjet fotografive, kuptohet se Haradinaj ka shkuar për kryeshëndosh tek familja Ademaj, ku humbën jetën nënë e bir.

Postimi i plotë i Haradinajt:

“Vizitova sot qytetin e Pejës, për të parë nga afër situatën e krijuar pas vërshimeve.

Ndamë dhimbjen me familjen Ademaj, e cila humbi më të dashurit e tyre në këtë tragjedi.

Ftoj Qeverinë e Kosovës dhe institucionet relevante për mobilizim të menjëhershëm duke ndarë një fond emergjent për t’u dalë në ndihmë të gjitha familjeve të cilat pësuan nga këto vërshime.

Jemi me qytetarët e Pejës në këto ditë të vështira!”