Ministria e Drejtësisë, Albulena Haxhiu, në një postim në rrjetin e saj në Facebook ka thënë se pika e parë në planin e Kurtit për shtensionimin e situatës në katër komunat veriore, është identifikimi i të gjithë antarëve të grupeve kriminale që kanë sulmuar Policinë e Kosoves, anëtarët e NATO-s dhe gazetarët.
“Pika e parë në letrën e kryeministrit Kurti: Të sigurohet/krijohet menjëherë sundimi i ligjit në katër komunat në veri të Republikës së Kosovës, duke përfshirë ndër të tjera identifikimin, ndjekjen penale dhe gjykimin e drejtë të të gjithë anëtarëve të grupeve kriminale që kanë sulmuar Policinë e Kosovës, anëtarët e NATO-s dhe gazetarët”, ka shkruar Haxhiu në Facebook.
Tutje ajo tha se në asnjë mënyrë nuk duhet të neglizhohen aktet kriminale.
“Në asnjë mënyrë nuk duhet të tolerohen apo neglizhohen aktet e kriminale të grupeve kriminale. Sulmet ndaj policisë, mediave apo anëtarëve të NATO-s dhe veprimet që cenojnë rendin kushtetues nuk duhet të normalizohen por të ndiqen e të dënohen”.
Mes tjerash Haxhiu ka thënë se nuk duhet të ketë vonesa në identifikimin e secilit kriminel, të gjithë duhet të ndiqen dhe gjykohen për veprimet e tyre kriminale, ka thënë ajo.