Ministrja e Drejtësisë, Albulena Haxhiu, ka mbajtur konferencë për media pas mbledhjes së Qeverisë.Haxhiu në konferencë për media, ndër tjerash ka folur edhe për takimin e 13 tetorit ku pikë e rendit të ditës është edhe çështje e vizave për Kosovën.

Haxhiu tha se gjithçka çfarë duhet të bëhet është bërë. Ajo u shpreh optimiste sa i përket liberalizimit, duke thënë se nuk duhet të vazhdojë më kështu.

Por, gjithashtu potencoi se nuk do t’ia bëj sikur qeveritë e kaluara, duke aluduar në atë se më herët ish-udhëheqës të vendit ia kanë uruar qytetarëve të Kosovës liberalizimin e vizave.

“Unë nuk do t’ia bëj sikurse qeveritë e kaluara, sepse mbani mend deklaratat e ish- kryeministrave e ish- presidentave. Gjithçka që varet nga ne është bërë, jemi optimist dhe kemi punuar për këtë. Është e drejtë e qytetarëve dhe nuk mund të vazhdohet kështu më tej” – tha Haxhiu.

Ndër tjerash, ajo foli edhe për ndryshimet në Kodin Penal dhe Kodin e Procedurës Penale. Ndryshime të cilat sipas Haxhiut ishin të domosdoshme, pasi siç thotë ajo kryesit e veprave penale në të kaluarën janë liruar me procedura të rregullta.