Kryeshefi ekzekutiv i Inspektoratit Policor të Kosovës, Kushtrim Hodaj, ka thënë se zyrtarët policorë të cilët janë arrestuar sot dyshohen se janë të përfshirë në mbi 400 veprimtari kriminale të marrjes së ryshfetit e keqpërdorimit të detyrës zyrtare.

Hodaj para gazetarëve konfirmoi se janë arrestuar togerë, rreshterë e doganier.

“IPK në kuadër të operacionit “Pika”, ka arrestuar 48 zyrtarë policorë duke përfshirë dy togerë policorë, 5 rreshterë si dhe dy zyrtarë doganorë. Që të gjithë të dyshuar për veprën penale ‘keqpërdorim i detyrës zyrtare’ dhe ‘marrje ryshfeti”, konfirmoi kryeshefi i IPK-së.

“Nga realizimi i veprimeve hetimore nga hetuesit e IPK ekziston dyshimi i bazuar se të arrestuarit në këtë rast janë të involvuar me qindra herë apo mbi 400 veprimtari kriminale të marrjes së ryshfetit dhe keqpërdorim të detyrës zyrtare”, u shpreh Hodaj.

Ai bëri me dije se të arrestuarve iu është caktuar masa e paraburgimit prej 48 orë dhe ndaj të njëjtëve është dhënë rekomandimi për suspendim nga detyra e punës./Insajderi

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”