Ambasadori i SHBA-së në Kosovë, Jeffrey Hovenier ka përsëritur kërkesën për shtyerjen e afatit për targa.

Përmes një postimi të bërë në rrjetin social, Twitter, ai ka ritheksuar edhe sot kërkesën për të zgjatur afatin për regjistrimin e veturave në RKS.

“Ne ritheksojmë kërkesën tonë për një zgjatje të plotë të periudhës së zbatimit në mënyrë që tabelat RKS të mund të vendosen gjatë 12 muajve duke pohuar se Kosova ka të drejtë ta zbatojë këtë ndryshim”, ka shkruar Hovenier në Twitter.

Tutje, ambasadori i ShBA-së në Kosovë, Jeff Hovenier, ka dënuar djegien e veturave me targa RKS në veri të Kosovës

“SHBA-të dënojnë djegien ose shkatërrimin e pronës dhe çdo përpjekje për të frikësuar ata që kanë ose synojnë të marrin targa të veturës RKS sipas ligjit të Kosovës. Këto janë vepra frikacake dhe kriminale” – shkroi ambasadori Hovenier.

The U.S. condemns burning or destroying property and any effort to intimidate those with or intending to obtain RKS car plates under Kosovan law. These are cowardly and criminal acts. 1/2

— Ambassador Jeff Hovenier (@USAmbKosovo) November 2, 2022